Scherzreime

Wou giëhsche denn hii?
Hinton Sapii (Zapin) ,
ban Gattolan (kleines Gatter) vii,
und öbm ii!

Wi schpoute (spät) isch?
Draivioschtl af di Minutte,
zwoi frogsche, du Tutte! (Zitze, hier ein Schimpfwort)

I geh afn Moscht. - I a!
I kaaf a Küih. - I a!
Di Küih gib Milch. - I a!
oder: Di se tüt käilbon - I a!

Dos isch do Puggiledaum,
dos isch do Plentetschougga,
dos isch do longe Grougga,
dos isch do Gimuane (Gemeine)
und dos do Kluane.

Dia isch in Boch gfoll,
dia hot'n außagizöüchn,
dia hot'n huamgitrogn,
dia hot'n ins Bett gileigg
und do leitze Puuze (Kerl)
hot olls do Müito gscheirgg (gepetzt)

Dos isch do Daum,
dia schittlt di Pflaum,
dia heibb se au,
dia trogg se hoam
do kluane Schelm,
dia ißt se gonz allua.

Amó (einmal) isch giwesn
a schtumpfato (abgenutzter) Besn,
a wompata (dick) Maus,
und di Gschichte isch aus!

Amó isch giwesn,
a schtumpfato Besn,
hot an do Kochl (Nachttopf) Zaitung gilesn.
Di Kochl isch gibröchn,
und in naininaizig (neunundneunzig) Wöchn
in Himmbl auchngikröchn.

Sunnile, Sunnile, schai, schai,
traib di Wölkn vöü dai,
traib se hi af Brixn,
losise (lass sie) sebm awi sitzn,
traib se hi af Wiën,
wou di schiën Mougn (Mohn) bliëhn.
Uana mai, uana dai,
zwua in inson Hiang,
das a lott schië Wetto wiang.

Mai Mihle giëht,
Dai Mihle schtiëht.
Mai Mihle moult Wuazabrüet,
Dai Mihle moult Dreick und Küet.

Entokeille (Schimpfwort), Kuchnbail
giëh zin Fenschto und loig (lüge) a Wail!

Gaizkrougn,
Hennmougn,
steick do olls in dain Krougn!

Waibile, Waibile,
wigg wagg wagg,
kaaft in Manndlan Schnupftiwagg(Schnupftaback),
's Waibile hatt in selbo giang,
und schenkt in Manndlan gou kuan Kiang.

Huala huala Wintl (Wind),
do Pforra hot a Huntl,
's Huntl huaßt Prantl,
schaißt in Pforra ins Hantl.

Michile Machile,
brunz ins Kachile,
's Kachile rinnt,
's Michile schtinkt.

Bitta bitta, Gabile,
insos Hiang Schtabile,
wia mo öppas schenkt
isch a Himmblskind,
wia mo nicht schenkt
isch an olts Bochschait!

Lisn (höre) , lisn,
do Pforra tüt Müis bisn (rühren),
do Kopratta (Kooperator) tüt riong,
und di Keichin tüt Kindolan ouschmíong (verhauen) .

Kimm i he va Lorenzn,
siich i a Waibile ba Seichta (Sieb) schwenzn.
Hot se gibuckt und ginuagg,
und in Ousch (Hintern) af Bruneiggn gizuagg.

Schnegge, Schnegge
zuag mo olla daina viora Höüong (Hörner),
sischt schloug i di zomb dain Köüong!

Hansl und Griëtl san îbogschtiegn,
Köpf und Ousch isch hintnbliebm.

Giggeriggii,
do Hohne isch hii,
di Henne lebb,
und du bisch a Tepp!

Giggeriggii,
do Hohne bin i,
di Henne bisch du,
und leïgn tü i!

Bingla bangla suppladii,
dibi dabi domini,
hokus pokus seranokus,
tschinggis tschanggus drauß!

Pato, Pato, Maschtl (Martin),
schteick in Köpf ins Kaschtl,
schloug 's Kaschtl tölle (ordentlich) züi,
na bischte recht a nutzo Büi!

Höß, höß, höß,
kaaf a Röß,
hüi, hüi, hüi,
kaaf a Küih,
und a Kutte Pull dozüi.

Wuasche wos?
Di Kotze hot noß,
di Maus hot truckn,
ba wen willsche liëba huckn?

Tottomanndl (Kaulquappe), Tottomanndl,
laich mo daina Heisilan (kleine Hosen).
I hon se neit, i hon se neit
i hon se hinton Eifnlan (kleiner Ofen)!

Schüilarotzn,
Rötzpotzn,
zaudurra Mischtkotzn!

Wos hosche hait geissn?
Fratschlnöckn va Nouchfrougamehl!